Transcription
1
Monsegnieur, despuis vous lettres receues du XXIXme desembre, je suis esté tousiours attendent
2
que vostre segnieurie envoiast querir par le visceneschal de robbe courte les prisonniers que
3
maviés comendé me saisir, desquelz vous ey envoié les informations par le cappitaine Menon,
4
quest loccasion de vous supplier nestre marry si vous fès encor ceste cy, affin quil vous plèse
5
vous en souvenir et comander den fère quelque fin, la necessité à laquelle ilz sontposés,
6
naiantz aulcung moien à la prison ; et les requestes quilz men font journelement me
7
contregnient de rechef vous en supplier, affin que suivant iceles justice en fust fète ;
8
et nia encor rien par deça quy merite vous fère entendre, si ce nest quon fortiffie
9
tousiours Nihons avec extreme diligence, où monsieur de Montbrun fet fère une belle exploitation
10
des arbres quy estime autour une harquebusade près ; où sera lendroit qapprès [sic] mes très
11
humbles recommendations à vous bonnes graces, supplie le Createur,
12
monsegnieur, vous donner en bien bonne santé heureuse et longue vie. De Mirebel,
13
ce XIme febvrier 1574.
14
Vostre très humble et plus affectionné serviteur
15
de souyans